Iago Sanmartín Villar
Doutor en Bioloxía
Sobre min
Son biólogo interesado nos mecanismos subxacentes que determinan o comportamento e os efectos que teñen sobre a dinámica de poboacións e de procesos evolutivos.
A miña investigación, realizada no campo e no laboratorio, céntrase principalmente na variabilidade do comportamento dos insectos solitarios e sociais. Estudei a variabilidade entre fenotipos e especies e como as respostas e os patróns de comportamento varían segundo as primeiras experiencias, o acoso masculino e os cambios ambientais. Até agora estudei un total de 21 especies e traballei en colaboración con 35 investigadores de todo o mundo.
Actualmente estou estudando a variabilidade de comportamento e adaptación de especies invasoras no Museo e Instituto de Zooloxía (Academia Polaca de Ciencias) de Varsovia. Estou aberto a colaboracións e encántame o traballo en equipo, así que non dubide en contactar comigo.